Ул. Пясту
Май акрутны з белымі начамі!
Грукат у вароты: адчыняй!
Мроіва блакіту — за плячамі,
І пагібель — тоіць небакрай!
Смех жанчын з вар’яцкімі вачамі,
З ружай змятай на грудзях... О май,
Прабудзі! — пратні мяне мячамі
І ад жарсці лютай вызваляй!
Добра ў карагодным крузе лугам
З палымянай песняю прайсці,
Піць віно, смяяцца з мілым другам,
У вянках узорыстых цвісці,
Кветкі слаць чужым сяброўкам смуглым,
Сум і шчасце светлае знайсці,
А дастойней — баразной за плугам
Свежым ранкам басанож ісці!
28 мая 1908