Аляксандар Пушкін

Бура

Ты бачыў дзеву на скале

Над бегам хваль ва ўбранні белым,

Калі, бушуючы ў імгле,

Іграла мора і грымела,

Як бляск маланак асвятляў

Яе, а вал імчаў за валам,

І вецер біўся і ўзлятаў

З яе лятучым пакрывалам?

Чаруе мора ў бурнай мгле

І неба ў блісканні панурым,

Ды вер мне: дзева на скале

Ўсё ж прыгажэй за хвалі й буры.



Пераклад: Міхась Багун

Беларуская Палічка: http://knihi.com