Сяброўка дзён маіх суровых,
Галубка, ты, нібыта ў сне,
Сярод глушы лясоў сасновых
Даўно счакалася мяне.
Ты пад акном сваёй хаціны
Вартуеш час, нібыта страх,
Марудзяць кожнае хвіліны
Пруткі ў наморшчаных руках.
І на забытыя вароты
Глядзіш з маркотай у вачах;
Сум, прадчуванні і турботы
Кладуцца гнётам у грудзях.
То мроіцца табе...
1826
Каментары
Рэдакцыя 1993 года.
Пераклад друкаваўся:
Полымя. 1949, № 6.
Бярозка. 1949, № 6; пад назвай «Няні».
Пушкін А. Выбр. тв. Мн., 1949.
Танк М. Зб. тв.: У 6 т. Т. 5. Мн., 1980.
На зорных шляхах: Пераклады М. Танка. Мн., 1991.
Пушкін А. С. Выбр. тв.: У 2 т. Т. 1. Мн., 1993.