Аляксандар Пушкін

«Вас не шкада мне, дні маёй вясны...»

Вас не шкада мне, дні маёй вясны,

Калі чакаў кахання я дарэмна.

Вас не шкада, начэй таемных сны,

Апетыя жалейкаю прыемнай.

 

Вас не шкада, няверныя сябры,

Вянкі гасцін і чары кругавыя.

Вас не шкада, сяброўкі маладыя,

Што здрадзілі каханню без пары.

 

Дык дзе святло хвілін замілавання,

Сардэчных сноў, надзеі маладой?

Дзе позірк той і слёзы даравання?..

Прыйдзіце зноў, о дні вясны маёй!

 

1820



Пераклад: Яўген Міклашэўскі

Беларуская Палічка: http://knihi.com