epub
 
падключыць
слоўнікі

Аляксей Пысін

Балада пра начлег

Нядоўгі прывал. Нядоўгі начлег.

Пад намі снег, над намі снег.

 

Вароты рыпяць ці нашы сляды?

Дарога адна, дарога туды,

 

Дзе будзем анучы ў цяпле сушыць,

Да раніцы спаць, да старасці жыць.

 

Налева зіма, направа зіма,

Ні печы няма, ні дома няма.

 

Граната ў руках. Патрон у ствале.

Чаго нам, сябры, яшчэ не стае?

 

Стралковая рота сопку ўзяла.

...Пад намі зямля, над намі зямля.

 

1967

 


1967

Тэкст падаецца паводле выдання: невядомае
Крыніца: невядомая