epub
 
падключыць
слоўнікі

Аляксей Пысін

«На свежым пні глыбокія кругі...»

На свежым пні глыбокія кругі,

У іх, нібы ў пласцінцы грамафоннай,

Схаваны ліўні грамавых сімфоній

І цішыня затоенай тугі.

 

Над дахамі ў світальныя часы

Дымкі - як разматаныя палотны.

Лятуць ад нас бацькоўскія лясы,

Лятуць ад нас у вырай беззваротны.

 

Спякотны подых лядаў стаў гусцей,

Кругі на пнях раскручвае трывога:

Ці не лятуць ад нашага парога

Калыскі ненароджаных дзяцей?

 

1965

 


1965

Тэкст падаецца паводле выдання: невядомае
Крыніца: невядомая