БЕЛАРУСКАЯ ПАЛІЧКА

Алесь Мілюць

Брату

Ты будзь, брат, верны да канца

Сваёй зямлі, свайму Народу,

Што стогне з гора год ад году.

Ты будзь, брат, верны да канца...

 

Хоць мы спаткаем шмат нягодаў,—

Май дух адважнага байца!

Ты будзь, брат, верны да канца

Сваёй зямлі, свайму Народу!

1930

---

Тэкст падаецца паводле выдання: Крывёю сэрца : [Зб.вершаў загінуўшых паэтаў] / Уклад.А.Вялюгін. - Мн. : Беларусь, 1967. - 178с. - ( Бібліятэка беларускай паэзіі)
Крыніца: скан