На зямлі няма дарог у мары,
Трэба іх пабудаваць,
Каб на нашым на зямным абшары
Казкі з неба прызямляць.
На зямлі няма мяжы надзеям,
Як жыццю няма граніц.
У людскія сэрцы іх мы сеем
Разам з подыхам зарніц.
У здзяйсненні бачым свае мэты.
Кожны радасці каваль.
Будзе і абжыта, і сагрэта
Намі заўтрашняя даль.
Нашы справы з мроямі ў суладдзі,
Без надзей не ўмеем жыць,
Калі мары смелыя ва ўладзе,—
Не даводзіцца тужыць.
Каб на мірным на зялёным шары
Радасць казак прызямляць,
На зямлі сваёй дарогі марам
Будзем дружна будаваць.