На свеце многа слоў крылатых,
Па зместу мудрых і багатых,
Такіх бяссмертных і адзіных,
Як маці, дружба, як Радзіма,
З усіх гучыць на свеце моваў
Адно ласкава і сурова.
І слова — шчасця павадыр,
Завецца гэта слова — мір.
Красуня нашая Планета
Вялікімі людзьмі апета,
Але Зямля б не красавала,
Каб міру між людзьмі не стала.
І парашылі так народы:
Не парушаць з сабою згоды,
І слова «мір», як запавет,
Гучыць на ўвесь вялікі свет.