Нібы сонца, агністыя словы
У табе, наш вялікі Закон.
Палымяны ты сцяг і аснова
Для наступных, для радасных дзён.
Свае мары і мэты мы здзейснім,
Што нас вабілі к шчасцю здавён.
Праз гады пранясём мы, як песню,
Свой нязгасны Асноўны Закон.
Шляхам шчасця, дарогаю славы
Нам наперад нязломна ісці.
Узаконена нашае права
На красу чалавека ў жыцці.
Перад намі — Сусвету бязмежжа,
Здабылі мы для шчасця ключы.
Прысягаю Крамлёўскім я вежам
Усенародны закон берагчы.
Канстытуцыі сонечнай варты
І краіна мая, і народ.
Славім мудрую нашую партыю,
К камунізму народны паход.
Гартавалі на сталі, жалезе
Мы свой дух, свой настрой малады.
З намі Ленін у першай шарэнзе,
З намі Ленін у сэрцы заўжды.