Што лічыць мне абавязкам,
Як мне апісаць прамень,
Называць былое казкай
І легендай новы дзень?
Я на выдумкі не гожы,
Слоў і рэчаў не ўладар,
Ненадзейных бездарожжаў
Бездарожны гаспадар.
Нельга жартам перабіцца,
Нельга з праўдай ваяваць.
Будзем працай ганарыцца,
Дзень наступны сустракаць.
Звонкай песняй славіць будзем
Добрых поспехаў прыход,
Плён штодзённы нашых будзен,
Сонца захад і усход.
Нам з надзеямі заўсёды
Толькі к радасці ісці,
Мы з надзеямі ў паходах,
Мы з надзеямі ў пуці.
Дружнай выйшлі мы паходкай
Штурмаваць вялікі шлях.
План дзесятай пяцігодкі
Наша мэта і наш сцяг.
Клічуць сцежкі, калі ласка,
Іх красы не забываць,
Пагасціць у новых казках,
У легендах пабываць.