Анатоль Грачанікаў

«Як ападае ліст...»

Як ападае ліст, як ападае...

Нібы дазволу ў восені пытае.

 

Бывай, галінка гнуткая, бывай!

Няхай цяпер цябе галубіць вецер,

Салодка закалыхвае пад вечар

I будзіць на зары цябе няхай.

Хіба табе, пажоўклы, я раўня?

З табою развітацца мне не сорам,

Як з небам — ціхім пераспелым зорам

Перад прыходам маладога дня.

Бывайце, сонца, поле і таполя!

Мне час заснуць у восені ў прыполе...




Крыніца: Грачанікаў, Анатоль Сямёнавіч. Выбранае : Вершы і паэмы / Анатоль Грачанікаў. - Мн. : Маст.літ., 1988. - 383с.,1л.партр.

Беларуская Палічка: http://knihi.com