Андрэй Катлярчук
У ценю Польшчы і Расеі
20 кастрычніка 1655 года, у Кейданах Вялікае княства Літоўскае, Рускае і Жамойцкае і Швецыя падпісалі пагадненне аб стварэнні сумеснай федэратыўнай дзяржавы. У выніку ўніі былі прынятыя тры асноўныя дакументы. Па-першае, акт аб дзяржаўным саюзе паміж Швецыяй і Літвой. Гэтую дамову падпісалі 1172 прадстаўнікі літоўскай палітычнай нацыі. Па-другое, літвіны прынялі зварот да еўрапейскай супольнасці, у якой патлумачылі прычыны разрыву ўніі з Польшчай і заключэння саюза са Швецыяй. Па-трэцяе, 23 кастрычніка 1655 г. была заснавана Рада шведскай Літвы на чале з Бэнгтам Шутэ, намеснікам шведскага караля ў Літве.
/
