Андрэй Ушакоў

Калыханка

Добрым часам, ціхай ночкай,

Лёгкі сон, зляці на вочкі,

Баю, баю, баю, бай,

Сні спакойна, засынай.

 

Каб ты цяжкіх сноў не знала,

Бесклапотна засынала,

Табе песеньку сняю

Я пра долюшку тваю.

 

У цяжкай зморы на пастаці

Нарадзіла цябе маці,

Шостай ты ў сям'і была

I без догляду расла.

 

Табе маці не спявала,

А зязюля кукавала,

Буйны дожджычак купаў,

Золкі вецер калыхаў.

 

А цяпер, маё малое,

Больш не ўбачыш гора злое.

Ясным ранкам вераснёвым

Зажылі жыццём мы новым.

 

Ты расці, ты цвіці,

Будзь шчаслівай у жыцці.




Крыніца: Крывёю сэрца : [Зб.вершаў загінуўшых паэтаў] / Уклад.А.Вялюгін. - Мн. : Беларусь, 1967. - 178с. - ( Бібліятэка беларускай паэзіі)

Беларуская Палічка: http://knihi.com