— А чаму ж ты тады
Не прыходзіў, шэльма,
Калі быў малады,
Быў прывабны вельмі.
— А цяпер?
— Ты цяпер —
Ні рыба ні мяса!
— Дык жа я кавалер
Найпершага класа!
Хоць сівы, хоць стары,
А яшчэ здаровы.
— Дык цябе ж камары
Затаптаць гатовы!
— Камары?
— Далібог!
Ну, бывай, саколік!
— А ў мяне грошай стог.
— Высокі?
— Да столі!
— А няўжо?
— Ты правер,
Памацай рукою.
— Стаць гатова цяпер
Жонкаю тваёю!
На вяселлі народ.
Загудзеў карагод,
Як заўжды вялося,
Толькі з чаркі ў мой рот
Віно не лілося.