Не верыце?
Я адчуваю, як верціцца Зямля.
Ля мора
я гэтаму навучыў бы і вас.
Калі заходзіць сонца,
трэба моўчкі стаяць і глядзець,
як яго вогненны шар
апускаецца ў густую ртуць вады,
нібы цяжарная жанчына садзіцца ў ванну.
Зайшло да палавіны,
на дзве трэці,
застаўся толькі акрайчык...
Увага!
Не прапусціце моманту, калі яно знікае.
Адчуваеце?
Зямля крутнулася,
хіснула вас назад.
Цяпер трымайцеся!
Разам з планетай
вы ляціце вакол сонца
з шалёнай хуткасцю.