Я — мірны хлебароб,
я — майстар ураджаю,
сваёй зямлі слуга і гаспадар,
як чараўнік,
вясною абуджаю,
у квецень прыбіраю ўвесь абшар.
Раллю затчэ густая рунь пшаніцы,
што будзе прыгажэць
і зелянець,
у трубку пойдзе
і закаласіцца,
адкрасаваўшы,
каласы налье.
І кожная сцяблінка ў полі гэтым
сагрэта сонцам
і пяшчотай рук.
А як даспее залатое лета,
багаты плён
камбайны сабяруць.
На ўсе сталы,
для кожнай хаты, дома
хлеб выпекуць з пшаніцы залатой.
Мая прафесія хоць простая, вядома,
але я ганаруся ёй.