Ціха рэе —
Палымнее
Сцяг чырвоны.
Пад ім роем
Чынным строем
Рэюць тоны
Песняў волі...
Роўным полем
Грамадою
Йдзе паходам
Звод за зводам
З прагай к бою
Полк чырвоных.
Шчэць стальная
Адбівае
Ў блісках цёмных
Промень сонца.
Жар бясконца!
Стома давіць!
Ўсё ж не ўбавіць
Моцнай прагі
І адвагі,
Што ў іх сэрцах.
Ступ за ступам
Ідуць купай
Ў бой да смерці
За свабоду
Для народу
Легчы з славай.
Ці ж утратна?
Дружна, здатна,
Велічава
Гук нясецца!
Промя ж льецца
Пазалотай
З небнай высі.
Й песень тоны,
Й сцяг чырвоны
Ў ім зліліся!
Харкаў, 1918