epub
 
Падключыць
слоўнікі

Дзмітрый Цэнзар

З песень барацьбы за волю

З рускай — Д. Цэнзара

 

Спіце, хто згінулі ў бойках за люд,

Край за вас будзе маліцца...

Скора памінкі адбудуцца тут,

Маці-зямля адрадзіцца.

 

Бліснуць паходні Усходу, й прыгон

Мучыць не будзе народа,—

Будуць мінуўшыя бітвы, як сон,

Будзе вясна і свабода.

 

Толькі не прыйдуць на свята вясны

Тыя, што надта любілі...

Спіце, палеглыя, спіце, тут мы

Плачам на братняй магіле!

 

1905



Пераклад: Янка Купала

Беларуская Палічка: http://knihi.com