epub
 
падключыць
слоўнікі

Эйдрыян Хэнры

Маналог пад Калядны блюз

Калі я прачнуўся, былі Каляды,

Птушкі спявалі начныя рулады.

Падарунак убачыў на крэсле багаты.

Толькі ты чамусьці не прыйшла дахаты.

Там былі яблыкі,

               апельсіны,

                         шакалады,

                                   ласьён для галення -

не было толькі цябе.

 

Я спусціўся ўніз, як рабіў здаўна,

Быў пудынг, індзейка і многа віна.

Крыху ўсміхаўся, крэкеры жаваў,

Ды фатэль насупраць увесь час пуставаў.

Там былі піражкі,

                 брэндзі,

                           бульба,

                                   арэхі з разынкамі -

не было толькі цябе.

 

Новы год. П'ем за квецень юнацтва і плён.

Роўна дванаццаць, радуюся як здавён,

За дружбу даўнюю мы ўсе пілі да дна.

Я - быў адзін. А ты - была адна?

Была гарэлка,

                 віскі,

                         сухое марціні

                                   і дванаццаць пажаданняў -

усе табе адной.



Пераклад: Алена Таболіч