epub
 
падключыць
слоўнікі

Ганна Ахматава

«Сьлёзна літасьці прасіла я...»

Сьлёзна літасьці прасіла я,

Хоць грымоты зь перуном!

Сэрца цёмнае зьнясілела

Ў нежылы вяртацца дом.

 

Я спазнала горыч згубную,

Сорам, адваротны шлях...

Як ўвайсьці мне да нялюбага -

Ахінае ціхі жах.

 

Да яго сьхілюся, ўбраная,

Будуць пацеркі зьвінець, -

Скажа: «Модлы дзе, каханая,

Слала небу за мяне?»



Пераклад: Тацяна Папова