epub
 
падключыць
слоўнікі

Георг Хэрвег

"Свет вам кажа, каб малілісь..."

(DUBIA)

 

* * *

 

Свет вам кажа, каб малілісь,

Свет вам кажа працаваць,

Каб як рыба, век вы білісь,

Каб багатых адзяваць.

 

Люд! арэш ты, засяваеш,

Бʼеш абухам, тчэш, куеш...

А які прыбытак маеш,

Што ўсе сілы аддаеш?

 

Дзень і ноч ты пры машыне,

То ля ткацкага станка,

То ў зямлі глыбока гіне

Сіла, дух працаўніка.

 

Насыпаеш рог дабра ты,

Поўніш хлебам і віном...

Ну, а сам ты ці багаты?

Як жывеш сваім дабром?

 

Хто з вас хату добру мае?

Грошы? хлеб? адзежу? кут?

Дык скажы: карысць якая

Для цябе, працоўны люд?

 

Ўсё, над чым вы працавалі,

Націралі мазалі, –

Ўсё, што ваша , ўсё забралі,

А ў заплату вам далі

 

Тые ковы, што кавалі,

Той заржаўлены ланцуг,

На каторы век трымалі

Ваша цела і ваш дух...


1907; 1937-1940; 1951

Пераклад: Якуб Колас
Тэкст падаецца паводле выдання: Якуб Колас. Т. 11