З польскай — І. Пілецкай
Сюды, ка мне, за стол, хто другам,
Хто свой, ўсе сядзьма разам;
Ты, жонка, дзеткі, брацця, кругам,
Во гэтта — пад абразам!
Ка мне, дружкі! хай вас угледжу;
Вітаю хлебам, соляй.
Куцця сягоння, сам не ўседжу
Адзін з сваёю доляй.
На стол, як чынім векаў многа,
Сянца паслаў, глядзіце.
Падбліжцеся ж!.. вянком старога
Свае ўсе акружыце!
........................................................
Стол доўгі, ўкруг свае ўсе самі,
Твар кожны весел, ясны,
У кожнага душы раямі
Снуюцца думкі шчасны.
І разам слуг людок нясмелы
Нам пасадзіці трэба,
Ўсіх братняй згоды анел белы
Багаславіць хай з неба.
....................................................
Падайце ўборы мне яркія,
Ў жалобных нахадзіўся,
Пры мне сягоння ўсе блізкія,
Сягоння Бог радзіўся.
....................................................
....................................................
Пуста кругом!.. Гэй, гэй, свае дзе?
Дзе анел захаваўся?..
...................................................
Снуюцца цені... сэрца брэдзе...
Не чуюць... Сам застаўся.
24 жніўня 1906