epub
 
падключыць
слоўнікі

Якуб Колас

А. А. К.-Я.-Б.

Не скончана песня, а гуслі разбіты,

Мой голас да Вас не дайшоў.

Але не забыта ўсё, што пражыта –

Ды можа не трэба больш слоў?

 

Пралёг паміж намі рубеж невідомы –

На ростані ЧЫСТЫХ дарог,

А думкі вандруюць далёка ад дому –

Няхай жа рассудзіць нас Бог!

 

Як добраму другу, скажу я Вам шчыра:

        Мне цяжка і крыўдна. Чаму?

Няма мне на сэрцы спакою і міру –

Мне сумна без Вас аднаму.

 

І сум мой не згіне, як шчэпка ў пажары,

З душы не развеецца муць...

А Вам няхай добрыя думкі і мары

Цудоўную казку саткуць!

 

Яшчэ што сказаць мне Вам на развітанне?

Жыву я сягоння адным:

Няхай яшчэ будзе нам радасць спаткання,

        А ліха развеецца ў дым!

 

13 мая 1950


13.05.1950

Тэкст падаецца паводле выдання: Якуб Колас. Т. 4