epub
 
падключыць
слоўнікі

Якуб Колас

Апошняе развітанне

На Красную плошчу мы з Сталіным разам

Утраты прынеслі боль свежы.

У снежнай завеі гарэлі алмазам

Старыя крамлёўскія вежы.

У траурных гуках народнай жалобы

Прашчаліся з прахам героя

Кагорты рабочых, байцы, хлебаробы

І племя сяброў баявое.

Лавілі прасторы прачулыя словы –

Апошні акорд развітання.

Схіліліся нізка сцягі і галовы

Пад громы гарматных гурчанняў.

Серго наш любімы, сцяг праўды і сілы!

Не згасне агонь твой ніколі,

Лунаюць над намі арліныя крылы,

Глядзіць на нас зрок твой саколлі.

Запішам мы ў сэрцы твой вобраз героя,

З твае не саступім пуціны

І рушым наперад у сталінскім строі

На славу Савецкай краіны.

 

22/ІІ 1937


22.02.1937

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938