epub
 
падключыць
слоўнікі

Якуб Колас

Асенні вечар

(Са зборніка «Другое чытанне для дзяцей беларусаў»)

Бура вые. Лес гамоніць,

Як на сходзе дзе народ.

Вецер хмары так і гоніць;

Дождж, і гразь, і галалёд.

 

На камінку корч пылае;

Каля печы дзед сядзіць.

Бацька лапці папраўляе,

Маці ніткі села віць.

 

Вецер вые, не сціхае,

        Дзіка ў коміне шуміць,

То заплача, заспявае,

То па стрэсе прабяжыць.

 

Ціха ў хаце. Сэрца ные,

Страх душу апанаваў.

Чаму ж, вецер, думкі злыя

Ты ў душу маю нагнаў?

 

[1906]


[1906]

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910