epub
 
падключыць
слоўнікі

Якуб Колас

"Божа мой! Калі паўстане..."

* * *

 

Божа мой! Калі паўстане

Ў свеце згода тая?

Лад ці скора к людзям гляне,

Змоўкне бура злая?

 

Загарэўся, задыміўся

Свет вайной, і далей

Дым пажараў пакаціўся

Агнявістай хваляй.

 

Гінуць людзі, памарнелі

Скарбы іх і сёлы,

Ад крыві пачырванелі

І горы і долы...

 

Божа мой! Калі уціхне

Гэта трасяніна?

Бляскам сонца калі ўспыхне

Згоднасці часіна?

 

[1915]


[1915]

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938