epub
 
падключыць
слоўнікі

Якуб Колас

Чырвонай Арміі

Да 24-ай гадавіны

На подзвіг вялікі, суровы

Заклікана Леніным ты.

Імя тваё — новых два словы:

Чырвоная Армія ты.

У гэтых агністых, двух словах

Цудоўная сіла жыве.

Яе не адолее вораг:

Народ у ёй вольны жыве.

 

Жывуць у іх Ленін і Сталін,

Удалеч паказваюць шлях.

Між сонечных ясных прагалін

Вясёлкай ірдзіцца той шлях.

 

Усё, што ёсць лепшага ў свеце,

Злучыла ты ў сэрцы сваім.

Чырвонаармейцы, жывеце

На славу народам сваім!

 

Сягоння йдзяце вы праз буры

І крышыце ворага ў прах.

Трасуцца тэўтонскія муры,

І сіла іх падае ў прах.

 

Я шапку знімаю прад вамі,

Пачціва хілю галаву.

На ваша магутнае раме

Схіляе ўвесь свет галаву.

 

18/ІІ 1942


18.02.1942

Тэкст падаецца паводле выдання: Якуб Колас. Т. 3 : Вершы, 1939―1945