epub
 
падключыць
слоўнікі

Якуб Колас

Голь

Голь абадраная, голь неакрытая,

Злою нядоляю моцна прыбітая!

 

Заўжды няма табе, горкай, спакою —

Ўвесну, і ўлета, увосень, зімою...

 

Людзі бяздомныя, людзі бязродныя!

Поўняцца вамі астрогі халодныя;

 

Холад там, сырасць і вецер свідруе,

Там твае скаргі ніхто не пачуе...

 

Што ж цябе гоніць, голь неакрытая,

Голь бедачыная, Богам забытая?

 

6/Х 1910


06.10.1910

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910