epub
 
падключыць
слоўнікі

Якуб Колас

Крыж

На стыку трох дарог пры полі,

Дзе пачынаецца сяло,

Стаіць святы адзнак нядолі,

Схіліўшы пахмурна чало.

 

Павязка стлела і спаўзае,

А крыж асунуўся на плот,

Як бы ён горача жадае

З нядолі вызваліць народ.

 

Няхай жа гэты знак пакуты,

Калі рассыплецца ў прах,

Навекі зніме тыя путы,

Што накаваў крывавы жах.

 

17/ІХ 1921


17.09.1921

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938