Сеяў Ленін, сейбіт дбалы,
Добрыя зярняты.
Вырас засеў небывалы,
Ды прыгожы, ды прыўдалы,–
Племя арлянятаў.
Камсамоле, яснацвеце,
Наша радасць, слава!
Аб вас песні па ўсім свеце
Носіць наш усходні вецер –
Прыязна, ласкава.
Не было такіх удалых,
Як ён, гордасць наша:
Смелых, моцных і трывалых,
Бальшавіцкага закалу,
Дужых і бясстрашных.
Не было яшчэ той сілы
І той перашкоды,
Што звязала б вашы крылы,
Камсамоле, слаўны, мілы,
Першацвет народа!
На вайне, на працы мірнай,
На палях калгасных –
Стойкі ўсюды вы, настырны.
Шлях ваш трудны і абшырны
І, як сонца, ясны.
Арляняты, вярнігоры,
Ленінскія дзеці!
Сталін мудры, ясназоры
Вам азначыў у прасторы
Шлях вярнейшы ў свеце.
Узлятайце ж вышай, далей –
Бур і працы многа.
Абуджайце песняй далі,
Нестрыманай гулкай хваляй
К новым перамогам!
Верасень–кастрычнік,
1948