epub
 
падключыць
слоўнікі

Якуб Колас

Маёй каханцы

Я пайду да яе, да каханай маёй,

      Каб ізноў яе голас пачуць.

Няхай думкі мае пабягуць чарадой,

        Як чародкамі хмаркі плывуць.

 

І я волю ім дам, дзе ім люба ляцець,

        Як ляталі, бывала, даўней.

Палячу з імі сам, буду песні там пець,

        Каб адчуць сваё шчасце паўней.

 

 

Не скажу толькі я, што мне люба яна

        І як добра мне з ёю пабыць,

Бо каханка мая, мая радасць — сасна,

        Што пры лесе, як панна, стаіць.

 

1922


1922

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938