БЕЛАРУСКАЯ ПАЛІЧКА

Маліўся папа Пій за Мусаліні,

Падняўшы ўгору нос, гарбаты, сіні, –

        На шыбеніцы дучэ апыніўся!

За Гітлера Пій-папа слаў літанні,

Карысці ж фюрэр з іх не меў нізвання –

        Атрутаю мышынай атруціўся!

Такая папская, вядома, ўжо званіца –

Прыйшла пара для папы зноў маліцца

        За Трумэна, набожнага варʼята.

          Таксама слаць літанні за другога –

        За Чэрчыля куртатага і злога,

        За Трумэнава друга, кума, свата.

Ну што ж? Маліся, папа, Божы служка,

Але адно шапну табе на вушка,

        Жаданне выкажу, ды шчырае сугуба:

Няхай ён, лёс і фюрэра і дучэ,

Падпальшчыкаў вайны налучыць немінуча,

Каб Трумэн з Чэрчылем і з імі ты «даў дуба».