epub
 
падключыць
слоўнікі

Якуб Колас

Мінскаму гарсавету

Калі слупы каля Эльвода

Пачне укопваць гарсавет

І ставіць плот старою модай, —

Я весялей гляджу на свет.

 

 

Хоць знаю я, што ад паводкі

Не паратуе гэты плот,

Але ён сведчыць ужо чотка,

Што недалёк вясны прыход,

 

Што сходзяць дні зімы дакучнай,

Што холад зменіцца цяплом,

Што нас вясенька з песняй гучнай

Авее сонечным крылом,

 

Што стане больш прастору, свету,

Акадэмічных менш згрызот...

Вітанне шлю я гарсавету

За весць вясны — за яго плот!

 

[1938]


[1938]

Тэкст падаецца паводле выдання: Колас, Я. Збор твораў: у 20 т. Т. 2 : Вершы 1911―1938