epub
 
падключыць
слоўнікі

Якуб Колас

На астрожны лад

Зноў павеяла турмою,

Згаслі ў змрочнасці агні,

І гаротнай чарадою

Нудна цягнуцца нам дні.

 

Зноў абшарпаныя сцены.

Звяга цяжкіх ланцугоў,

І няма ніякай змены

Ў гэтым холадзе муроў.

 

Ды няхай тут плача доля

Без уцехі і надзей:

Тым дарожай будзе воля,

Час світання весялей.

 

5/VII 1910


05.07.1910

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910