Ці так, ці сяк, абы дарога,
Абы на месцы не сядзець –
Праяў на свеце гэтак многа,
На свеце ёсць што паглядзець!
Ну, што ж? бывайце ўсе здаровы:
І тыя, што святло вачэй
Як сонца, сыпалі ў дубровы,
Каб кветкі ў іх раслі хутчэй.
Усім сябрам маім, з якімі
Прад бочкай задзіралі нос,
Няхай жа прыязна вас прыме
Усіх, усіх шчаслівы лёс!
Прывет усім, усім астатні –
Хацеў бы ўсім дапамагчы
І нават тым, што ў галубятні
Заселі глуха, як сычы!
8/VI 1950