epub
 
падключыць
слоўнікі

Якуб Колас

Над Прутам

Над Прутам дзень заняўся новы,

Рассыпаў іскры зараніцы.

Гараць у іх святыя словы —

Старыя рускія граніцы!

Чырвоны сцяг на іх палае,

То — наша слава, наша свята,

Яго вітае плынь Дуная

І горы сінія Карпатаў.

 

Трасуцца землі Заднястроўя

У громе бітваў нечуваных.

Заплаціць Гітлер сваёй кроўю

За зверства, здзек, за нашы раны.

 

Новабеліца

Март

1944


1944

Тэкст падаецца паводле выдання: Якуб Колас. Т. 3 : Вершы, 1939―1945