Багаты і прасторны,
Магутны, непакорны
Зямлі савецкай гмах.
Ад мора і да мора
Праз долы, стэпы, горы
Ірдзее новы шлях.
Наперад — к дзянніцам,
Палёт быстракрылы!
Вартуе граніцы
Надзейная сіла!
Ад захаду і ўсходу
Шчаслівыя народы
Зліліся ў адзін вір.
Вядзе іх к сонцу ў далі
Рука цвярдзей ад сталі —
Бясстрашны правадыр.
Наперад — к дзянніцам,
Палёт быстракрылы!
Вартуе граніцы
Надзейная сіла!
Паводкай веснавою,
Паходкай маладою
Імклівіць вольны люд,
Змятаючы з дарогі
Вякоў старых парогі,
Старых законаў чмут.
Наперад — к дзянніцам,
Палёт быстракрылы!
Вартуе граніцы
Надзейная сіла!
У сонечным прадвесні
Звіняць, як срэбра, песні
Па сёлах, гарадах.
Савецкая краіна!
Магутна ты, адзіна,
І смелы твой размах!
Наперад — к дзянніцам,
Палёт быстракрылы!
Вартуе граніцы
Надзейная сіла!
Мы Арміі Чырвонай
Сталёвых батальёнаў
Адважныя сыны.
Наш зрок — узлёт зарніцы,
Удар наш — бліскавіцы,
Наш голас — перуны.
Наперад, краіна!
Наперад, народы!
Узмахам арліным
Няма перашкоды.
20/ІІІ 1939