epub
 
падключыць
слоўнікі

Якуб Колас

"Не пытайце, не прасеце..."

* * *

 

Не пытайце, не прасеце

Светлых песень у мяне,

Бо, як песню заспяваю,

Жаль вам душу скалыхне.

 

Я б смяяўся, жартаваў бы,

Каб вас чуць развесяліць,

Ды на жыцце як паглядзіш,

Сэрца болем зашчыміць.

 

Нешчасліва наша доля:

  Нам нічога не дала.

Не шукайце кветак ў полі,

Бо вясна к нам не прыйшла.

 

[1904]


[1904]

Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910