Нас дружба народаў навекі злучыла;
У нашым яднанні мы – грозная сіла, –
Няма для яе перашкод!
Пад ленінска-сталінскім сцягам і словам
Мы сонечным шляхам, чаруючым, новым,
Ідзём несупынна ўпярод.
Хоць шлях наш і трудны, хоць ворагаў многа,
Мы скінем з дарогі астаткі гнілога –
Ці ж ім запыніць наш паход?
Гранітную сілу куе мудры Сталін.
Дзень пройдзе – і болей іскрыстых прагалін,
Год пройдзе – і вышай узлёт!
Нас дружба народаў навекі злучыла;
У нашым яднанні мы – грозная сіла, –
Няма для яе перашкод!
Жыві ж ты, зʼяднанасць і дзень златакудры!
Жыві, правадыр наш, бясстрашны і мудры!
Жыві ты, савецкі народ!
27/ХІІ 1937