Злезь ты, Мусаліні,
Фашыстоўскі рэбе,
З даху, не псуй гонт:
Ты не ў Абісініі,
Не ў Адыс-Абебе —
Тут народны фронт!
Кінь пустыя мары,
Псеўдацэзар новы,
Кінь іржавы меч:
З-пад Гвадалахары,
Як і з-пад Кардовы,
Дучэ гоняць прэч.
Ды яно ж не дзіва,
Бо які ты ў чорта
Цэзар, Ганібал?
Збіт твой нос, як сліва,
І твае кагорты
Даюць «махен-драл».
Дык не лезь нахрапам,
Не чытай трактатаў
Пра вайну, палон.
Лепш на ўцеху папам
Ты спявай кантаты
Ды еш макарон.
4/IV 1937