epub
 
падключыць
слоўнікі

Якуб Колас

Песня аб Сталіне

Новае сонца над намі ўзышло,

Нашы пуціны сагрэла,

Сталін! Твой розум і сэрца тваё

Край ажывілі знямелы.

 

Ноч беспрасвецця навекі сышла,

Дзён ліхалецця не стала.

Мудры наш сейбіт! Праменні святла

Сееш ты шчодра і дбала.

 

Глянеш на гоні, на пожні, лясы —

        Ветла глядзяць нашы далі.

З намі спяваюць на ўсе галасы

Песні табе, родны Сталін.

 

Там, дзе ты кінеш арліны пагляд,

Радасна ўсё ажывае.

Творчая праца, і згода, і лад —

Дружба народаў святая.

 

Яснай дарогай далей і цвярдзей

Смела ідзём грамадою.

Нас не пужае здань грозных падзей:

        Мы, правадыр наш, з табою.

 

Сілы народа падняў ты з глыбінь,

Сілай сваёю узброіў.

Наша краіна — сямʼя гераінь.

Слаўнае племя герояў.

 

 

За радасць, за шчасце, за светлую шыр

Падзяку прымі, правадыр.

 

[1939]


[1939]

Тэкст падаецца паводле выдання: Якуб Колас. Т. 3 : Вершы, 1939―1945