Мы з гордасцю і радасцю глядзім
На сонечны свой шлях,
Не пройдзены ў гісторыі нікім,
Не бачаны ў вяках.
Нас Ленін вёў праз буры і агні,
Як волат і баян.
У памяці не меркнуць тыя дні,
Жыве між нас тытан!
Алмазамі, рубінамі сляды
Дарог яго гараць.
Як радасна цябе, край малады,
Сягоння прывітаць!
Такі прастор, куды я ні зірну!
Так цвёрд і смел твой крок!
Бурліць жыццё, шуміць, як у вясну
Нястрыманы паток.
Снапы твайго іскрыстага святла
Расходзяцца шырэй.
Узносіцца краіна, як скала,
Ўсё вышай і дужэй.
Хай свет стары вайной на нас ідзе,
Каб наш спыніць разбег, —
Спакойны мы, бо Сталін нас вядзе,
Наш геній, наш стратэг.
1/ХІ 1938