epub
 
падключыць
слоўнікі

Якуб Колас

Савецкім народам

Розум, і воля, і сэрца народаў!

Буры і громы прайшлі.

Сцяг пераможны вялікіх паходаў —

Слава савецкай зямлі.

 

Дружбай народаў магутна краіна,

Моц наша ў згодзе святой.

Будзь жа шчасліва ты, наша пуціна,

Вечна свяці яснатой!

 

Хто ж нашу дружбу пасмее парушыць,

Руку падніме на нас —

Трупамі лягуць іх чорныя душы,

Гібелі будзе ім час,

 

Нам пакараюцца мора і рэкі,

Горы і нетры зямлі.

Леніну, Сталіну слава навекі –

Сілу яны нам далі!

 

Канец ліпеня

1943


1943

Тэкст падаецца паводле выдання: Якуб Колас. Т. 3 : Вершы, 1939―1945