Вясна прыйдзе, снег пагіне,
Вышэй сонца хадзіць стане,
Промень ясны ўсюды кіне,
Рунь падыме на паляне.
З гор пальюцца перавалы,
Раскуюцца рэчкі з шумам,
Выйдзе з хаты стар і малы
Гаманліва дружным тлумам.
Убярэцца лес бязлісты
У гарнітур свой зялёны,
Шугне вырай галасісты,
Камары забʼюць у звоны.
Зашуміць трава густая,
Кветкі ў лузе засмяюцца.
Вясна прыйдзе маладая,
Ўсюды песні панясуцца.
[1907]