epub
 
падключыць
слоўнікі

Якуб Колас

Замест прадмовы

Не ў адной толькі нашай душы

Зерне ёсць хараства —

Аб ім казку складае ў цішы

Колас нівы, трава.

Не ў адным толькі сэрцы людзей

Іскра праўды гарыць —

Аб ёй песню пяе салавей,

Аб ёй рэчка журчыць.

У той песні, шырокай, як свет,

Чутны ветры і гром.

Дык прымі ж ты прывет,

Свет бязмежны – мой дом.

Аўтар

1921, [1952]


1921,[1952]

Тэкст падаецца паводле выдання: Якуб Колас. Т. 7