Адзінаццаць месяцаў
Кроў цурком цякла;
Рабавала панства
Беларусь датла.
Генерал Шаптыцкі —
Аўстрыяцкай школы —
Мечам і пажарам
Баль спраўляў вясёлы.
*
Адзінаццаць месяцаў
Вісельні скрыпелі;
«Niech zyje Polska!» —
Паны-каты пелі.
Гарады, мястэчкі
Танулі ў пагромах—
Не было збаўлення
Малому, старому.
*
Адзінаццаць месяцаў
БССР стагнала
Пад ботам пілсудчыны,
Але не сканала.
Засявае поле,
Будуе святліцы;
Люд працоўны, вольны
Шчыра весяліцца.
*
Генерал Шаптыцкі —
Пр аклінанай славы,—
Ўжо не справіш болей
Свой банкет крывавы,
На край беларускі
Не ўскладзеш кайданаў:
Штых стальны савецкі
Моцна гартаваны.
1932