epub
 
Падключыць
слоўнікі

Янка Купала

Дайце мне...

Дайце мне волю, дайце арліную,

Вырвіце з путаў, аковаў!

Душу напасціць перад сканчынаю

Дайце шчаслівасці новай!

 

Дайце мне долю, дайце багатую,

Вызвальце з горасці чорнай;

Дайце пацесе ў хаце, за хатаю

Быці ўва ўсім мне пакорнай!

 

Дайце мне сонца, сонца агнёвае,

Выведзьце з цёмнасці ночнай;

К знанню, к навуцы сцежкі шчаслівыя

Мне пакажыце нязбочна!

 

Дайце мне праўду дня ясней яснага,

Дайце прасветласці божай;

Выражце з сэрца, сэрца няшчаснага

Ўсё то, што мучыць, трывожа!

1907




Беларуская Палічка: http://knihi.com