epub
 
Падключыць
слоўнікі

Янка Купала

Гусляр

Гэй, гусляр, гусляр!

Ты удар, удар

Па струнах-званах,

Дай нам з песень дар,

Дум вялікіх чар,

К сонцу зорны шлях,

Дай, гусляр, гусляр!

 

Дзе залёг абшар

Курганоў — ахвяр,

Сей, засей прасвет.

Ты слуга і цар,

Ты — дудар-званар,—

Чуе, знае свет...

Эй, гусляр, гусляр!

 

Перавалы хмар,

Цемру, зводы мар

Выжый звонам струн;

Як вялік і стар

Свет, зямлі папар,

Ты ад гумн да гумн

Запануй, гусляр!

 

Дай паходням жар,

Лінь жыццё ў бор-яр,

Не мінай акон;

Строй ваякаў шар,

Кроў сагрэй, як вар,

Сказам новых дзён...

Грай, будзі, гусляр!

 

[1906-1910]




Беларуская Палічка: http://knihi.com