* * *
Як не выйдуць чарнасотнікі,
На благое ўсё ахвотнікі,
Дый на ўсю моц закрычаць:
«Думу трэба разагнаць!»
Ой, відаці, вельмі хочацца
Пурышкевічам, Дубровінцам
Ковы новыя каваць,
Ізноў турмы напаўняць...
Але выйшаў ім ды з памяці
Акцябра дзянёк семнаццаты:
Той вялікі маніфест,
Ды што ў турмах няма мест!
Эй гуляйце, чарнасотнікі,
На благое ўсё ахвотнікі:
Не век сеяці вам цьму,
Весна зменіць нам зіму!
[1908]